НОВИ САД – На пияток, 20. фебруара, у Музею сучасней уметносци у Новим Садзе будзе отримани семинар „Сербия и медзинародне културне сотруднїцтво“. Семинар орґанизовани за роботнїкох у култури у явних установох, цивилним секторе, за студентох и шицких творительох културних политикох.
На семинаре буду преподавац проф. др Милена Драґичевич Шешич и проф. др Весна Дюкич, обидва з Универзитету уметносцох у Беоґрадзе. После преподаваня плановане представянє кнїжки Лїляни Роґач Миятович „Културна дипломатия и идентитет Сербиї“ и Франсои Шобеа „Медзинародни културни одношеня“.
Семинар орґанизую Музей сучасней уметносци Войводини, УНЕСКО-катедра за културну политику и менаджмент, Универзитет уметносцох у Беоґрадзе и Видавательна хижа „Клио”, а з потримовку Министерства култури и информованя.
Пре огранїчене число местох, свой приход треба потвердзиц найпознєйше по нєшка, 18. фебруар, на е-адреси mmarinkovic@clio.rs и info@msuv.org, лєбо наволац на числа телефонох (011) 2624-334 або 021 526 634.