НОВИ САД – На нєшкайшей 37. схадзки Скупштини АП Войводини пред посланїками аж 28 точки дньового шору, а єдни з найзначнєйших Предлог буджету АП Войводини за 2015. рок, трансформованє дотерашнього Фонду за капитални укладаня до Управи за капитални укладаня АП Войводини, як и вименки Одлуки о Покраїнским омбудсманови.
Посланїки буду бешедовац и о обезпечованю средствох за софинансованє новинох на язикох националних меншинох-заєднїцох, о обезбечованю пенєжу за церкви и вирски заєднїци, а маю буц утвердзени и критериюми за додзельованє средствох з покраїнского буджету за национални совити националних меншинох.
Розвой валалох АП Войводини у 2015. року прейґ Програми мирох потримовки за запровадзованє польопривредней политики тиж на дньовим шоре схадзки Скупштини Войводини, а попри спомнутих точкох, Скупштина будзе одлучовац о ище 19 предлогох хтори ше одноша на покраїнску Дирекцию за робни резерви, Програму за защиту, ушоренє и хаснованє польопривредней жеми на териториї Войводини у 2015. року, хаснованє средствох Фонду за води, ловство и лєси у АПВ, явне здравство, защиту женох од насилства и друге.