НОВИ САД – На пияток, 20. марца, будзе отримана позарядова схадзка Скупштини Войводини на хторей будзе бешеди о набавки медицинскей опреми за Институт за онколоґию Войводини и Институту за хороти плюцох у Сримскей Каменїци.
На дньовим шоре позарядовей схадзки Скупштини будзе лєм єдна точка – Предлог заключеня о утвердзованю одвичательносци за препущеня у запровадзованю явней набавки за спомнути институти.
Поступок явней набавки мадицинскей опреми за радиолоґийну терапию за Каменїцу 2 претаргнути у фебруаре, а толкованє з Управи за капитални укладаня було же то прето бо єден з понукачох з Беоґраду и Дружтво процив корупциї зоз Зренянину, до Републичней комисиї за защиту права у поступкох явних набавкох поднєсли Вимогу за защиту права.
Спомнута опрема нєобходна за обезпечованє ровномирней доступносци на терапиї людзох хорих од малиґних хоротох, сообщела Управа за капитални укладаня Войводини.