РУСКИ КЕРЕСТУР − Порядну рочну скупштину Здруженя паприґарох „Капсикум анум” Управни одбор заказал за штварток 31. януар, у ресторану „Червена ружа”, з початком на 17 годзин.
На дньовим шоре будзе подношенє Финансийного звиту Звиту о запровадзених активносцох у прешлим року, як и плани за наступни рок, a предвидзена и тематска часц схадзки пошвецена сезонским роботнїком.
На Скупштину поволани шицки члени здруженя, а по урядовей часци за присутних будзе орґанизована вечера.