КУЛА – Дом здравя Кула обвисцує гражданох општини Кула, хтори маю симптоми респираторней инфекциї, же би ше явели до Ковид амбуланти Дома здравя и окончели нєобходни препатрунки и дияґностику.
После препатрунку, кед потребне лїченє у шпиталю, лїкаре Дома здравя пошлю пациєнта до одвитуюцого общого шпиталю.
Же би ше обкеровало гужви, до Ковид амбуланти треба же би ше явели лєм особи хтори маю виражени симптоми – горучку и кашлянє зоз очежаним диханьом. Пациєнти зоз респираторнима нєлагодносцами, хтори маю благши симптоми хороти, потребне же би остали у своїм доме у самоизолациї, зоз звичайним лїченьом лєгчейших формох респираторних инфекцийох.
Тиж, у самоизолациї од 14 дньох треба же би були и особи хтори були у контакту зоз особами хтори охорели од инфекциї Ковид 19.
Контакт телефон Ковид амбуланти Дома здравя у Кули 064/849-24-67.