БЕОҐРАД – На вчерайшим стретнуцу городоначалнїкох Беоґраду и Нового Саду Синиши Малия и Милоша Вучевича у Беоґрадзе догварене о сотруднїцтве тих двох городох.
На схадзки бешедоване о темох хтори значни и за Беоґрад и за Нови Сад, а городоначалнїк Вучевич гварел же найвецей бешедоване о финансийней стабилизациї, отвераню нових роботних местох, реорґанизованю явних подприємствох, проблемох у предшколских установох и наплацоваю порциї на маєток.
– Бешедовали зме и о роботи комуналних подприємствох и пошвидшованю роботи у администрациї, насампредз пре вименки Закона о планованю и вибудови. Жадаме цо скорей применїц тот закон, пре звекшанє ефикасносци у видаваню будовательних дозволох и прицагованє инвестицийох – гварел Мали новинаром у Скупштини Беоґраду.
Вучевич наглашел же Беоґрад и Нови Сад „важни партнере Влади Сербиї и републичним орґаном у запровадзованю реформох у цалим дружтве”.