РУСКИ КЕРЕСТУР – Здруженє керестурских паприґарох на соботу, 30. мая, орґанизує стретнуце з коло 30 фаховцами з польопривреди и представителями подприємствох котри им преподавали о заградкарстве и защити желєняви у Жимскей школи польопривреди и на преподаваньох хтори през жиму орґанизовало Здруженє.
Сход на соботу будзе у ресторанє „Лонґов” на базену на 17 годзин, плановане опатриц поля под паприґу и послухац совити фаховцох о потребним третману пре охрану од хоротох, окреме же паприґа тераз загрожена пре вельки паданя. На нїзших теренох у вецей часцох хотара стої вода, та ю паприґаре тераз спущую з польох.
После обиходзеня польох, на „Лонґове” будзе нєформалне друженє домашнїх и госцох, а Здруженє на тот сход поволує шицких своїх членох.