МЕДЗИЛАБОРЦИ (СЛОВАЦКА) – У Медзилабороцох, у Словацкей на пияток и соботу, 27. и 28. юния, будзе отримани познати Фестивал култури и спорту, 53. по шоре, у орґанизациї места Медзилаборци и Русинскей оброди Словацкей. Фестивал будзе под покровительством предсидателя Словацкей Републики Роберта Фица, а з финансийну потримовку Министерства култури Словацкей.
У спортскей часци Фестивалу буду змаганя у фодбалє и ґуґланю, а после традицийного дефилеу мажореткиньох и учашнїкох, през два днї на сцени у амфитеатре будзе богата културно-уметнїцка програма дзецинских музично-фолклорних анамблох, ансамблох з русинских местох у Словацкей, та популарних соло-шпивачох и ґрупох.
Медзи учашнїками и ансамбли „Врановчан”, „Русински гласи”, „Стропковчан”, „Лелия”, Трио Маґурово, музична ґрупа „Фатьове” з Укрїни, та фолклорни ансамбл „Веснянка” з Билорусиї.
Як кажди рок, под час Фестивалу будзе орґанизована и богата провадзаца програма.