РУСКИ КЕРЕСТУР – Трецого дня Велькей ноци, 23. априла, календарски ше поклопело же истого дня источашнє и швето велїкомученїка Георгия – у народзе воланим Дзуря.
Велька Служба Божа отримана у Водици. Служел ю катедрални парох у Крижевцох (Република Горватска) о. Михал Симунович и керестурски капелан о. Михайло Шанта, а при обряду пошвецаня жита придружел ше и о. Владимир Медєши, капелан керестурски, котри пред тим споведал. Наказовал о. Михайло Шанта котри у своєй казанї визначел значносц велїкомученїка Георгия, котри при наших вирних ма окремне значенє и котри остал приклад шицким вирним.
Гоч хвиля була нєвигодна, вирних заш лєм було, а Служба и пошвецанє жита отримали ше у лєтнєй каплїци, алє того року нє бул обход коло церквочки.
