БЕОҐРАД – Нови школски 2016/2017. рок школяре дочекаю з комплетнима учебнїками на язикох националних меншинох, за цо з буджету Републики Сербиї концом марца видвоєни 134 милиони динари, гварела директорка Канцелариї за людски и меншински права Сузана Паунович, наглашуюци же держава наисце ришує питанє образованя националних меншинох на мацеринским язику.
Попри тим, наявене же учебнїки за шицких штредньошколцох з материялно загрожених фамелийох буду безплатни.
Наявене и же Министерство просвити за школски библиотеки набави учебнїки за хтори ше школи вияшнєли же их школяре нє муша куповац, як цо то историйна читанка, ґеоґрафски атлас, а обезпечи и приручнїки за 900 предмети за штреднї фахово школи, хтори буду доступни у електронскей форми.