НОВИ САД – Число нєзанятих у АП Войводини на концу 2014. року виношело 184 279, цо за 15 491 особу менєй як рок скорей, указую податки Националней служби за обезпечованє роботи.
У тим АП Войводина у 2014. року зазначела найлєпши резултат у Сербиї, бо у зменшованю числа нєзанятих участвовала з вецей як 56 одсто.
-То резултат и програмог за обезпечованє роботи, приправнїцких програмох, фаховей пракси и явних роботох хтори уж роками запровадзує Покраїнска влада. Таки програми заплановани и у 2015. року, а за тоту намену обезпечени средства у буджету АП Войводини – сообщене з Покраїнского секретарияту за привреду, обезпечованє роботи и ровноправносц полох.