ДЮРДЬОВ – Вчера з явней Еко-студнї у центре Дюрдьова перши раз пущена вода за пице, а пантлїку прештригли Владимир Балоґ, бувши предсидатель Совиту Месней заєднїци, у чпиїм мандату почала вибудов студнї и и терашня предсидателька Совиту Леона Виславски.
На шветочним отверню присуствовал и подпредсидатель Покраїнскей влади и покраїнски секретар за привреду, обезпечованє роботи и равноправносц полох Мирослав Васин, котри Дюрдьовчаном повинчовал на вибудови того капиталного обєкту, понеже достали пречисцену и здраву воду за пице.
На швяточним отвераню присуствовали члени општинскей управи Жабель, Совиту Месней заєднїци Дюрдьов, представителє месней Школи, дзеци з Предшколскей установи и Дюрдьовланє, котри такой и пили воду зоз студнї.
Еко-студня робиц нєпреривно и з трох (сензорских) чопох дньово давац 10 кубики води.
Вибудов Еко-студнї з 5 милиони 940 000 динари финасовал Покраїнски секретарият за польопривреду, водопривреду и лєсарство.