РУСКИ КЕРЕСТУР – У Руским Керестуре нєшка, 14. мая, будзе порядна, 8. схадзка Националного совиту (НС) Руснацох у тим зволаню. Схадзка будзе на 11 годзин у просторийох Совиту у Замку.
На дньовим шоре 16 точки, медзи нїма и прилапйованє звитох о роботи НС и його орґанох и финансийного звиту Совиту, як и установох хторим є снователь, лєбо соснователь.
На схадзки буду принєшени одлуки вязани за квартель Совиту у Новим Садзе и о других квартельно-маєтних питаньох, о хаснованю донациї подручним канцеларийом Совиту, а на дньовим шоре и потвердзованє 15 одлукох Вивершного одбору НС.
Попри тим, предвидзене и приношенє Одлуки о преставаню членства єдного члена у Одборе за информованє НС, а будзе винєшена и информация о отриманим Округлим столє „Национална стратеґия и єй имплементация”.