НОВИ САД – У тогорочним трицец першим чишлє новинох „Руске слово” рубрика „Тижньовнїк” пише о пременкох у поступку покладаня вожацкого испита хтори принєсол нови Закон о безпечносци у транспорту, а ту и звит о нащиви представительох Националного совиту Руснацох Подручней канцелариї у Кули.
Рубрика „Нашо места” пише о автоматизациї вербаского водового подручя, о активносцох ЯКП „Стандард” у Шидзе и наградзених „Бикичанкох” за ґомбовци. На тих бокох пишеме и о креативних бавискох хтори здумую коцурски дзеци.
„Економия” на своїх бокох пише о пошлїдкох суши у коцурским и шидским хотаре, а ту и текст о Дунї Гнатко зоз Шиду хтора отворела свой розсаднїк.
У рубрики „Култура и просвита” пишеме о упечаткох о тогорочней „Ружи” и о археолоґийних викопованьох на Шуваковим салашу при Вербасу, ту и текст о 16. Стретнуцу Керестурох у Румуниї, док у рубрики „Духовни живот” зазначене яка була атмосфера на Водицовим кампу.
„Мозаїк” на своїх бокох пише о упечаткох зоз Sea Dance фестивала у Будви и наявює Манифестацию „Дюрдьов отвореного шерца 2015”, док рубрика „Людзе, роки, живот” упознава читачох зоз Дюром Варґом з Керестура хтори вирабя макети ладьох и з Мирославом Мудрого з Миклошевцох хтори успишни спортиста у сениорскей конукренциї.
На „Спорту” мож пречитац текст о реґати Наутичного клуба „Тиквара” зоз Бачкей Паланки по беґелю Дунай-Тиса-Дунай, а на тих бокох зазначени успих Михаила Дудаша у дзешецбою на Балканских атлетских бавискох у Румуниї дзе освоєл златну медалю. Як додаток вишол „Медзипростор за кафу и приключеня”.