НОВИ САД – У двацец дзевятим тогорочним чишлє новинох „Руске слово” рубрика „Тижньовнїк” пише о схадзки Координациї националних совитох и о отвераню поглавйох 23 и 24 з Европску унию, а ту и вистка о Лєтнєй школи у Попраду, у Словацкей.
О схадзки Совиту Месней заєднїци Руски Керестур, адаптованю Дома Руснацох у Коцуре, законченю Волонтерского кампу у Керестуре, та о тим чи у дзепоєдних наших местох єст досц бициґлистични дражки, пише на бокох рубрики „Нашо места”.
„Економия” у тим чишлє представя продукцию огуркох у Дюрдьове, „Култура и просвита” приноши звит з Фестивалу фолклору Руснацох „Коцурска жатва” у Коцуре, а ту и интервю з младу академску малярку Ґалу Чаки.
Рубрика „Людзе, роки, живот” читачом понука три интересантни животни приповедки – Симеона Шимка Дудаша з Вуковару, Крешу Брезика з Беркасова и Иґора Бодянца з Руского Керестура.
„Духовни живот” зазначел паломнїцтво до Медюґоря, а „Спорт” пред Олимпийскима бависками, за хтори ше пририхтує и Михаил Дудаш, здогадує на славного атлетичара Яшу Бакова. У тим чишлє додаток „Дикица”.