НОВИ САД – У Руским културним центре (РКЦ) у Новим Садзе и того року орґанизовани традицийни Бал под масками, тераз всоботу, 29. октобра. Вечар бул нєзвичайни, а наступели два бенди – „ЦПР” з Нового Саду и „Бесне ґлисте” з Беоґраду.
Нащивительох було надосц, вихасновали нагоду послухац облюбени бенди, а тиж и вєдно препровадиц вечар под масками. Младши нащивителє указали свою креативносц, та могло замерковац и намаскировани твари.
Спред орґанизатора, предсидатель Форуму младих Рускей матки Борис Фейди визначел же є задовольни з одволаньом нащивительох, а Бал под масками Форум младих орґанизує вєдно з новосадским РКЦ.