РУСКИ КЕРЕСТУР – У рускокерестурским оддзелєню Дзецинскей заградки „Цицибан” ПУ „Бамби” з Кули пияток 15. новембра, отримана промоция кнїжочки дзецинских народних писньох „Когуцик ярабик” хтору влонї видало НВУ „Руске слово”.
Кнїжочку представела редакторка часописа „Заградка” Мелания Римар, а у препознаваню писньочкох и розчитованкох активно участвовали дзеци з предшколских ґрупох вихователькох Емилиї Костич и Ксениї Вучкович.
И тота промоция за наймладших Керестурцох отримана у рамикох тогорочней Културней манифестациї „Костельникова єшень”.
