РУСКИ КЕРЕСТУР – До нового школского 2015/16. року Основна и штредня школа „Петро Кузмяк” вошла зоз ришенима кадровима питанями, так же нєт занятих хтори би були технолоґийни звишок – виявела за Рутенпрес директорка Школи Хелена Пашо Павлович.
По єй словох, то значи же у тей Школи нєт наставнїкох хтори 100 одсто остали без норми. Ґу тому, управа Школи през лєтнї одпочивок идентификовала шицки свойо звишки (у яким проценту дахто остал без норми) и виєдначела их з потребами у наставнїцких нормох.