НОВИ САД – На Площи шлєбоди у Новим Садзе вчера отворени 22. Фестивал меду, хтори тирва и ютре, а Фестивал отворел член Городскей ради за привреду Милорад Радоєвич. Манифестацию орґанизує Дружтво пчоларох „Йован Живанович”, а под покровительством Городу Нови Сад, чия Городска управа за привреду и соорґанизатор Фестивалу.
На Фестивалє свойо продукти викладаю коло 70 продукователє меду, пчоларскей опреми и домашнього виробнїцтва, хтори мож и купиц.
Нєшка у рамикох Фестивалу будзе и шаховски турнир за основношколцох, а прирхтани и рижни културно-забавни змисти.