ЖАБЕЛЬ/ДЮРДЬОВ – На основи прешлого тижня подписаного контракту о предлуженю роботох на поставяню канализациї у жабельскей општини, єдна з фазох предвидзує и вибудов ґравитацийного цивоводу вихаснованих водох по Дюрдьов.
Контракт о предлуженю роботох, хтори ше роби по етапох, а финансує их Управа за капитални укладаня АП Войводини, прешлого штвартку, 3. децембра, подписали предсидатель Општини Жабель Чедомир Божич и директор виводзача роботох „Ґрадитель НС ” Люпко Калаба.
Як сообщене з Општини, роботи почню тих дньох и попри спомнутого цивоводу по Дюрдьов, буду предлужени и на поставяню канализацийней мрежи у ткв. Першей фази.
За терашнї роботи горе спомнути финансиєр опредзелєл 196 милиони динари, з ПДВ.