РУСКИ КЕРЕСТУР – Матуранти рускокерестурскей Штреднєй школи „Петро Кузмяк“ вчера преславели свой матурски вечар. Школа з бренчком випровадзела 64-ох школярох Ґимназиї и напряму Туристични технїчар, одкаль колона матурантох рушела на традицийни шпацир од школи по центер валалу.
Опрез школи и на центре ше, як звичайно, зишло вельке число родичох, товаришох и других Керестурцох, котри им и з тим повинчовали законченє штредньошпколского школованя.
Була то нагода и за фотоґрафованє, а матурски вечар, вєдно зоз своїма класнима старшинами, професорами и представителями управи Школи, мали у Ресторанє „Червена ружа”.
Матуранти по 9. юний буду покладац матурски испити, а шветочне додзельованє дипломох наявене за 20. май.