КОЦУР – Шахисти коцурского „Омладинца“ внєдзелю, 12. мая на госцуюцим терену у Кули почали нову сезону у Войводянскей лиґи ґрупа Бачка, а процив домашнього „Гайдука“ одбавели нєришено 3:3.
Коцурски шахисти на тим змаганю були ослабени понеже нє бавел найлєпши бавяч „Омладинца“ Карло Бала. Шицки партиї на тим змаганю закончени з ремийом, а за „Омладинєц“ бавели Владимир Лазор, Ґоран Попович, Ґавра Коларич, Споменко Павичевич, Миряна Шолая и Никола Тадич.
У шлїдуюцим колу „Омладинєц“ у Коцуре дочека ШК „Бездан“ зоз истоменого места.