БЕОҐРАД – Понеже ище вше нє посцигнута догварка медзи представителями синдикатох просвитних роботнїкох и Министерства просвити, штрайк просвитних роботнїкох будзе предужени зоз скраценима наставнима годзинами и у другим полрочу, гварели представителє Штрайкацкого одбору репрезентативних синдикатох з обласци образованя после вчерайшей схадзки.
Просвитни роботнїки вимагаю же би ше им нє зменшовало плаци, же би ше принєсло окремни колективни контракт и закон о платних класох и платних ґрупох. У допису зоз вчерайшей схадзки синдикати виражую револт пре, як гваря, очиглядну обструкцию у вязи з окремним колективним контрактом и же Министерство просвити спреведа явносц же текст контракту усоглашени и порихтани за подписованє.
Друге полроче почина на час, та школяре у Войводини руша до школи 15. януара, а школяре у остатку Сербиї 20. януара.