ВЕРБАС – Пондзелок, 15. юния, Явне комуналне подприємство „Комуналєц” донирало Оддзелєню педиятриї Дома здравя „Велько Влахович” у Вербаше нови медицински апарат. Оддзелєнє педиятриї на розполаганю будзе мац пулсни оксиметер, апарат котри ше хаснує за нєинванзивне одредзованє засиценосци гемоґлобину з оксиґеном и меранє пулсу.
Началнїци Оддзелєня педиятриї др Юлиї Чурович Шкорич донацию уручели чолни людзе ЯКП „Комуналєц”, директор подприємства Синиша Адамович и Иґор Шкундрич.
Шлїдуюца акция вербаского Явного комуналного подприємства заказана за стреду, кед донацию достанє Общи шпиталь Вербас.