ДЮРДОВ – Дюрдьовски Бал младих будзе на соботу, 9. новембра у просторийох Културно-уметнїцкого дружтва „Тарас Шевченко” у Дюрдьове, а орґанизую го його млади члени.
Потераз предати коло осемдзешат карти, а орґанизаторе поволую заинтересованих од петнац по трицец пейц роки же би пришли, понеже єст ище даскельо места. Карти мож резервовац по стреду, 6. новембра, при Тамари Салаґ на 064/ 412-98-85, по цени од 1 200 динари, а превжац их мож исти дзень од 20 по 21 годзин у просторийох спомнутого Дружтва.
Дюрдьовски Бал младих почнє на 19 годзин у просторийох Дружтва, грац будзе Пицикато бенд, а орґанизована богата вечера и томбола.