КОЦУР – Євангелска церква у Коцуре, на чолє з лаицким пастором Александром Суботином, вчера у Доме култури орґанизовала концерт з нагоди вельконоцних шветох.
Програму отворел спомнути Суботин, а медзи численима госцами у публики були и представителє Општини Вербас, як и орґанизациї „Помоц восточней Европи” з Голандиї.
На концерту участвовали парохиянє Євангелскей церкви и госци з „Ромскей заєднїци” зоз Земуну. Младши учашнїки рецитовали, док госци зоз Земуну, як и члени оркестру коцурскей Євангелскей церкви, виведли вецей шпиванки з провадзеньом на ґитарох и клавиятури.
З тей нагоди опрез Дому култури була и вистава фотоґрафийох познатих Ромох.
