Поховани бундавки з релни

автор ядю 19. юний 2015

Хто барз люби поховани бундавки, а досц му нєшора у кухнї, предкладаме же бисце бундавки поховали у релни. Ґу тому вельо су здравши, бо ше нє хаснує олєй лєбо масц.

Потребне:

3 бундавки

презли

1-2 вайца

соль

попер

дакус натартого сира (гоч хтори тварди сир)

3 ложки млєтого лєну, слунечнїку, маґочки з бундави, мандулї…

струче цеску

12 лїсцочка швижого вашильцу (хто люби).

 

Так треба приготовиц:

Бундавку очисциц и порезац на колєчка, а мож и на палїчки, у профилу же би були як троугельнїки (нєзвичайно випатраю).

У блендеру зомлєц лєн лєбо слунечнїк, сир, цеснок и швижи вашилєц. До того додац презли, а кед дахто люби горчейше мож додац и сушеней горкей папрички.

Бундавки оваляц у вайцу, а потим у презлох. Печиц на паперу за печенє лєбо у добре подмасценей тепши 20 минути на 200 ступнї.

Упечени бундавки мож мачац лєбо преляц зоз помишану шметанку з майонезом кус посолєну, зоз лєбо без нашеканого цеску.

(Опатрене 157 раз, нєшка 1)

НАПИШЦЕ УПЕЧАТОК