ВЕРБАС – Здруженє подобових уметнїкох општини Вербас (УЛУВ) розписало Конкурс за самостойни, лєбо ґрупни вистави у Ґалериї Здруженя у шлєбодних терминох у 2017. року и поволує на сотруднїцтво уметнїкох, подобово здруженя, уметнїцки орґанизациї и ґрупи, зоз шицких формох подобовей уметносци.
Конкурс отворени по 2. децембер 2016. року, а о потребней провадзацей документациї и о Конкурсу мож ше поинформовац при предсидательки УЛУВ Тамари Барановски на число тел. 0637196930, лєбо подпредсидательови Карлови Концови, на число тел. 063592449, та е-адреси uluvvrbas@gmail.com, лєбо Фейсбуку.
Прияви на Конкурс и документацию треба посилац на адресу: Здруженє Подобових уметнїкох општини Вербас, Културни центер Вербас, Маршала Тита 87, 21460 Вербас. Лєбо по горе спомнутей е-адреси.
Нєподполни конкурсни материял нє будзе розпатрани, а о виборе виставох одлучи Уметнїцки совит УЛУВ.