СРИМСКА МИТРОВИЦА – Полицийна управа у Сримскей Митровици сообщела вчера же пре звекшане число вимогох гражданох за пременку особних леґитимацийох и пасошох од нєшка, 1., та по 31. децембер будзе уведзени цалодньови роботни час.
Шалтери за приєм вимогох и роботни днї и викендами буду робиц од 8 до 20 годзин.
Спомнути роботни час ше одноши на Полицийну управу у Сримскей Митровици и полицийни станїци у Шидзе, Руми, Старей Пазови, Индїї, Печинцох и Ириґу.
Термини за заказованє придаваня вимогох ше прима од седем годзин на шалтерох за особни леґитимациї и пасоши.