КОЦУР – Вчера у Доме култури у Коцуре отримана преширена схадзка Управного одбору Културно-просвитного дружтва (КПД) „ДОК”. На схадзким як госц, бул предсидатель Скупштини Дружтва за руски язик, литературу и културу (Дружтво) проф. др Юлиян Рамач, пре пораду о сотруднїцтве медзи двома дружтвами.
Як на схадзки гварел предсидатель КПД „ДОК” др Михайло Фейса, дзецински роман „Кеша”, хтори „ДОК” планує видац того року, познєйше будзе учишлєни до збирки дїлох Владимира Сабо-Дайка хтору вида Дружтво. Роман будзе илустровац авторова унука Єсения Сабо-Дайко.
На схадзки одлучене же ше у фебруаре означи 75-рочнїцу народзеня о. Якова Новака, а з пригодну програму и дзень Святого Валентина, односно Святого Трифуна.
Дзень планети Жеми будзе означени з одходом до природи 24. априла, а за Вельку ноц „ДОК” планує орґанизовац виставу малюнкох у Церковней сали грекокатолїцкей церкви.
Проф. др Фейса бешедовал и о можлївим пририхтованю фотомоноґрафиї коцурскей Основней школи, авторки Леони Ґаєр, та о докончованю хижи за фамелию Чизмар, цо вироятно будзе пошвидко, дзекуюци донатором.