РУСКИ КЕРЕСТУР – У Велькей сали Дому култури у Руским Керестуре Дїдо Мраз вчера подзелєл коло 170 пакецики керестурским дзецом рижних возростох, медзи нїма и коло 30 безплатни пакецики дзецом зоз социялно загрожених фамелийох, а пред тим виведзена и пригодна програма.
Симпатичну Новорочна програму пририхтали наймладши рапухи з дзецинскей заградки и секцийох Дому култури, хтори виведли новорочни винчованки и шпиванки, а наступел и мали оркестер школярох керестурского оддзелєня Школи за основней музичне образованє з Кули.
Дїдо Мраз на концу дзецом и родичом повинчовал Нови рок и пожадал же би найвецей дзбали за фамелию хтора, и попри шицких чежкосцох у яких жиєме, найважнєйша у живоце каждого чловека.
