РУСКИ КЕРЕСТУР – На шветочней академиї з нагоди випровадзаня матурантох Штреднєй школи Петро Кузмяк, односно школярох Ґимназиї и напряму Туристичного технїчара, вчера, 17. юния шветочно им додзелєни дипломи о законченим штредньошколским образованю.
На початку, присутним професором, школяром и їх родичом, даскельо пригодни и инспиративни слова виповедла директорка школи Наталия Будински, потим ше програму предлужело зоз музично-литературнима точками у хторих школяре грали на клавиру, читали емотивни состави о розходу после школованя, а приказовани и кратки видеа у хторих матуранти на крeативни и емотивни способ дочарали як випатрало їх школованє и друженє през штири роки.
Зоз емотивнима словами, од матурантох ше одпитали и їх оддзелєнски старшинове – Татяна Бучко-Рац, Лїляна Рудакиєвич и Анико Войчена, хтори матурантом на концу програми уручели Вуково дипломи и дипломи за закончену штредню школу, а окреме привитали и школярку ґенерациї Емину Бики хтора закончела Ґимназию.
Штредньошколску наставу у 2025/2026. року закончели вкупно 32 матуранти, з чого 6 у руским и 12 школяре у сербским оддзелєню Ґимназиї, як и 14 школяре Туристичного напряму.
