БАЧКИ ПЕТРОВЕЦ/КУЛА – У рамикох проєкту „Асоцияция роби”, хтори запровадзує Национална асоцияция локалних канцеларийох за младих, а финансує Министерство младежи и спорту, у Бачким Петровцу 16. октобра отримана едукативна схадзка координаторох канцеларийох за младих з Войводини, на хторей були и представителє Канцелариї за младих Општини Кула.
Координаторе упознати з активносцами Националней асоцияциї локалних канцеларийох за младих, з младежску политику од националного по локални уровень, та зоз законами, стратеґиями и акцийнима планами у младежскей политики.
Тиж так, робене и на идентификациї ключних цильних ґрупох з хторима канцелариї за младих можу и маю сотрудзовац на локалним уровню, а єдна часц едукациї була пошвецена черанки искуствох и прикладох добрей пракси.