НОВИ САД – На Радио програми по руски нєшка на 13 годзин емисия Соботово стретнуца, а на нєдзелю, 21. децембра на 12:30 годзин будзе емисия Културна панорама и потим на 13:30 емисия Вирую.
У емисиї Соботово стретнуца годно послухац розгварку з трома андями: Йозефину Йоску Балїнт, Маґдалену Маґду Надь и Иринку Дротаров, котри були членїци женскей жридловей шпивацкей ґрупи у дюрдьовским Културно-уметнїцким дружтве Тарас Шевченко, або як вони гваря, у Матки. Емисия Соботово стретнуца будзе репризно емитована на стреду на 23 годзин, а мож ю послухац и одложено на сайту Радио-телевизиї Войводини у часци одложене слуханє. Емисию пририхтала Тамара Балоґ.
На нєдзелю, 21. децембра у емисиї Културна панорама годно послухац як було на 7. науково-фаховим сходзе Слово о словох котри отримани у Новим Садзе у орґанизациї Дружтва за руски язик, литературу и културу. Призначена и розгварка зоз мр Гелену Медєши о рускей Википедиї, на котрей початком децембра, обявени тисячни текст. Редакторка и водителька емисиї: Саня Дивлякович. Емисию Културна панорама ше емитує каждей нєдзелю на 12:30 г и репризно на 23 годзин, а мож ю послухац и на одложеним слуханю на сайту Радио-телевизиї Войводини.
На нєдзелю на 13:30 годзин мож послухац и вирску емисию Вирую.
Емисиї мож слухац на Радио програми по руски на габох радия РТВ на 92, 100 и 107,1 меґагерци.
