РУСКИ КЕРЕСТУР – Понеже на конкурс „Пакту Рутенорум” за авторски фотоґрафиї з тему „Бунт” за тогорочну „Дньовку” сцигли лєм осем фотоґрафиї трох авторох, орґанизаторе „свой бунт” з таким одволаньом виражели так же у голу Дома култури виложели празни рами дзе мали буц вибрани фотоґрафиї.
З осем фотоґрафийох хтори сцигли, орґанизаторе наградзели три, та першу награду за фотоґрафию достала Ивана Медєши з Руского Керестура, другу Емилия Чизмар з Коцура, а трецу Адриян Колошняї з Керестура.
Побиднїцки фотоґрафиї, хтори вибрали члени „Пакту”, преглашени и указани под час програми „Дньовки”, а їх авторе достали пенєжни награди.
Под час „Дньовки” у голу Дому култури була виложена и вистава „Приватни живот Руснацох” автора Сашу Сабадоша, дзе бул и штанд часопису за младих МАК НВУ „Руске слово”.
(На початку фото-ґалериї три наградзени фотоґрафиї).