ЗЕМПЛИНСКА ТЕПЛИЦА (СЛОВАЦКА) – Школяре осмей класи Основней школи „Петро Кузмяк” з Руского Керестура, пондзелок, 6. мая допутовали зоз екскурзиї зоз Републики Словацкей, точнєйше зоз Земплинскей Теплици, на хторей пребували два днї.
През тоти два днї, школяре нащивели городи и културни знаменїтосци, упознали ше зоз своїма парняками хтори им пририхтали рижни креативни роботнї и активносци, а за госцох з Руского Керестура були орґанизовали и вечари зоз музику и друженьом.
На екскурзию пошли 40 школяре, у провадзеню їх оддзелєнских старшинох, Теодори Вранєш и Деяна Бучку, а спред Националного совиту Руснацох бул предсидатель Вивершного одбору НСР Желько Ковач и членїца Одбору за образованє Любица Няради.
Екскурзию орґанизовал и софинансовал Национални совит и його Одбор за образованє, прейґ хторого школяром були покрити трошки осиґураня и путованя, док родичи школярох финансовали пребуванє и костиранє.
Екскурзия орґанизована пияти рок за шором, на основу подписаного спорозуменя медзи Земплинску Теплицу и Руским Керестуром.
