ҐОСПОДЇНЦИ – Гелена Крклюш, дзивоцке Фейди, народзена 5. децембра 1936. року у Кули. По фаху машински технїчар, жила у Беоґрадзе и робела у подприємстве „Утва“. Кед пошла до пензиї преселєла ше до Ґосподїнцох.
Подобови уметнїк, маляр аматер. Мала осем самостойни вистави у Ґосподїнцох, а колектвно викладала вецей як трицец раз. Мальовала пейзажи, портрети, мертву природу, сакрални мотиви, хасновала подобову технїку олєй на платну.
Була член Друштва за руски язик, литературу и културу и учашнїк Подобовей колониї у Ґосподїнцох од самих початкох 2005. року. Заступена є у моноґрафийох лексикону „Подобова творчосц Руснацох“ (2003) и Подобова колония „Стретнуце у Боднарова“ (2015).
Умарла 2. мая 2024. року, похована є на теметове у Ґосподїнцох.