РУСКИ КЕРЕСТУР – Всоботу 29. новембра у Спортскей гали у Руским Керестуре младши катеґориї ФК Русин одбавели три пририхтуюци стретнуца процив екипи ФК Кордун зоз Кляїчева.
На стретнуцох бавели дзеци хтори ходза до трецей, штвартей и пиятей класи основней школи.
3. класа – ФК Русин – ФК Кордун – 2:3. Ґоли за екипу Русина дали: Матей Варґа и Марко Планкош.
4. класа – ФК Русин – ФК Кордун – 6:4. Ґоли за екипу Русина дали: Лука Тасич (4), Стефан Такач (1) и Михайло Шомодї (1).
5. класа – ФК Русин – ФК Кордун – 7:1. Ґоли за екипу Русина дали: Страхиня Кршич (4), Тони Надь (2) и Тони Сивч (1).
Екипи Русина на стретнуцох водзели Зденко Шомодї и Деян Йолич.
