РУСКИ КЕРЕСТУР – У орґанизациї фодбалского клуба Русин всоботу 30. новембра у Руским Керестуре у спортскей гали почал Други жимски ноцни турнир у малим фодбалу.
За сениорох ше приявели петнац екипи: НТМ Чикерия (Вербас), Байберня Барбериум (Руски Керестур), Горди зла (Червинка), Апартмани Сивчевич Титова вила Златибор (Нови Сад), Пензионере (Зомбор), Луксор (Руски Керестур), Драґан Ковачевич Дзира (Руски Керестур), Понтвода (Зомбор), БСК (Бачки Брестовец), Кула (Кула), Сервис Ребич (Червинка), Клуб 10 (Руски Керестур), Изґлед (Руски Керестур), Торцида (Кула) и Столарска роботня ҐОД (Обровец).
За ветеранох ше приявели осем екипи: Браца Русини (Руски Керестур), Омладинац (Диронь), Супер Марио (Кула), ВСК (Врбас), Русин (Руски Керестур), Предавальня Арес ВНД (Кула), Колосеум (Сивац) и ФК Кула Ветерани (Кула).
На турниру участвую и пионире, а екипи попри домашнього Русина приявени ише екипи зоз Крущичу, Оджаку, Кули и Коцура.
Стретнуца ше бавя два раз по 15 минути, а судийове хтори судза стретнуца то Ґоран Новакович (Кула) и Младен Єротиєвич (Вербас).
Всоботу 30. новембра на отвераню бавело ше два пионирски стретнуца и два сениорски стретнуца.
Перше пионирске стретнуце одбавели екипа Русин 1 – Младосц Крушчич и у тим стретнуцу млади русиновци славели зоз резултатом 5:4. Ґоли за екипу Русина дали: Михайло Шомодї и Дориян Попович дали по два ґоли, док Лука Тасич дал єден ґол.
Друге пионирске стретнуце одбавели екипа Русин 2 – Младосц Крушчич, а на тим стретнуцу славела екипа Младосци зоз резултатом 4:5. Ґоли за екипу Русина дали: Страхиня Кршич хтори дал два ґоли, потим Лука Зелич и Тони Сивч хтори дали по єден ґол.
Треце стретнуце вечара одбавели сениоре Клуб 10 (Руски Керестур) – ҐОД Обровец, а конєчни резултат того стретнуца бул 3:3. Ґоли за Клуб 10 дали: Виктор Надь хтори дал два ґоли и Никола Папуґа хтори дал єден ґол.
Штварте сениорске стретнуце було одбавене медзи екипами Изґлед (Руски Керестур) – ҐОД Обровец, а у тим стретнуцу славела екипа зоз Обровцу зоз резултатом 1:3. Ґол за Изґлед дал Алекса Сопка.
Другого вечара жимского турнира, пондзелок 2. децембра бавели пионире и ветеранє по єдно стретнуце и три сениорски стретнуца.
У першим стретнуцу бавели екипи Русин 2017 – Русин 2016, а на тим стретнуцу лєпша була старша екипа Русина 2016 хтора славела зоз резултатом 0:3.
У другим стретнуцу бавели ветерански екипи Супер Марио (Кула) – Омладинєц (Диронь), а конєчни резултат того напартого стретнуца бул 3:3.
У трецим стретнуцу бавели екипи сениорох Луксор (Руски Керестур) – Кула (Кула), а госци зоз Кули славели на тим стретнуцу зоз резултатом 2:3. Ґоли за екипу Луксора дали: Деян Югик и Андрей Малацко.
У штвартим стретнуцу бавели прешлорочни шампион НТМ Чикерия (Вербас) – Апартмани Сивчевич Титова вила Златибор (Нови Сад), а конєчни резултат бул 2:0 екипу зоз Вербасу.
У остатнїм пиятим стретнуцу того вечара бавели екипи НТМ Чикерия (Вербас) – Байберня Барбериум (Руски Керестур), а резултат бул прешвечлїви за екипу зоз Вербасу, понеже славели зоз 7:1 на тим стретнуцу. Єдини ґол за екипу зоз Руского Керестура дал Алексей Бики.
Орґанизатор ноцного турнира у малим фодбалу ФК „Русин”.
