РУСКИ КЕРЕСТУР – Одвичательни зоз Явного комуналного подприємства „Руском” апеловали на гражданох же би нє вируцовали вельке и нєзґрабне шмеце, такволани кабасти отпад, алє лєм тото цо станє до кантох за шмеце.
Причина за таки апел то же заняти хтори робя на камиону замерковали же єст барз вельо шмеца вельких ґабаритох як цо то наприклад душеки за посцель, дзверка зоз орманох та аж и щипанїци, хторе кед ше уруци до камиона, сензори автоматски детектую же уруцене цошка цо ножи нє можу порезац та робота става покля ше ручно нє винє шмеце.
Зоз Рускому поручели же у валалє єст даскельо особи хтори услужно одвожа вельки отпад зоз обисцох, а тиж кажде може таке шмеце и сам одвесц на валалске шмециско хторе роби кажди дзень, окрем нєдзелї, од 15 по 19 годзин.
