БИКИЧ – Церква и вирни бикичскей церкви вчера, на швето Успения Пресвятей Богородици, у народзе познатше як Велька Матка Божа, преславели храмове швето Кирбай.
Шветочну кирбайску литурґию предводзел о. Михайло Режак, декан сримски и парох у Шидзе, а сослужели о. Дарко Рац, парох у Бачинцох и домашнї парох о. Владимир Еделински Миколка.
О. Миколка и наказовал и визначел значенє Мацери Божей у християнским живоце, хтора була вибрана од Бога.
Шпиванє вирних предводзела дзиячка Любица Роман, а помагали єй Невенка Бобаль, Єлена Гнатко, Люба Бобаль и Мира Гнатко.
Домашнї парох шицким паноцом подзековал же пришли возвелїчац Кирбай и повинчовал щешлїви и благословени Кирбай домашнїм и госцом, а на концу одшпиване Многолїствиє.
