ВЕРБАС – Центер за дньове пребуванє дзецох з окремнима потребами представя обовязкову часц Стратеґиї социялней защити у Вербаше, алє пре нєдостаток пенєжу, тот центер ище вше нє закончени, пише општински портал.
Општина Вербас, вєдно зоз службу и установами з обласци социялней защити прето концом прешлого тижня орґанизовала явну презентацию проєкту за ушоренє просторийох Центру, пре пренаходзенє партнерох котри помогню у законченю проєкту.
Адаптация будинку у хторим плановане же будзе Центер почала 2013. року и дотераз поробени два трецини планованих роботох, а за закончованє потребни ище 3,7 милиони динари.
Општина Вербас з тим проєктом конкуровала и до Покраїнского секретарияту за социялни политику, демоґрафию и ровноправносц полох, а значносц закончованя того проєкту представена и локалним привреднїком, з надїю же го финансийно потримаю.
По евиденциї фахових службох, у Вербаше єст 218 дзеци котри маю потребу за услугами того центру, а така институция би мушела мац и занятих фаховцох.