СЕНТА – Вчера у Сенти отримана схадзка Координациї националних совитох националних меншинох.
На схадзки Координациї националних совитох националних меншинох найвецей було слова о предстояцих задаткох, о вименкох и дополнєньох Закона о националних меншинох, котри предкладаня националних совитох вошли до вименкох и дополнєньох Закона, як и о предстояцих виберанкох за национални совити националних меншинох.
Зоз дзепоєднима точками можеме буц задовольни, бо у началє одвитовали шицким националним совитом, а дзепоєдни нє, алє з оглядом же помали приходза и виберанки за национални совити хтори, як нєурядово вчера сообщене, буду розписани у другей половки авґуста, а буду отримани лєбо остатнї викенд у октобре, лєбо на початку новембра, гварел предсидатель Вивершного одбору Националного Совиту Руснацох Желько Ковач.
З оглядом на предстояци виберанки за национални совити националних меншинох, шицким совитом би мал буц приоритет анґажованє коло упису до Окремного виберацкого списку, як и пририхтованє за виберанки, поведзене на вчерайшей схадзки.