БЕОҐРАД – Нєшка, 28. септембра, з початком на 12 годзин, у Палати Сербиї у Беоґрадзе, будзе отримана схадзка Координациї националних совитох националних меншинох.
За схадзку утвердзени дньови шор хтори ма три точки. Перша точка протоколарна – прилапйованє записнїка зоз предходней схадзки, друга ше одноши на прегляд роботи Координациї у прешлим периодзе, а треца точка ше одноши на ришованє чечуцих питаньох.
На схадзки буду участвовац и представителє Националного совиту Руснацох.