НОВИ САД – Внєдзелю вечар, 10. юния, у Реформатскей церкви у Новим Садзе, Хлопска шпивацка ґрупа Руского културного центру (РКЦ) отримала святочни концерт.
Концерт бул на високим уметнїцким уровню, а на репертоаре Хлопскей шпивацкей ґрупи РКЦ, котрей уметнїцки руководитель мр Борут Павлич, були словенацки, руски, сербски и горватски композициї. Од руских композицийох одшпивани три: „Желєнєє жито” у аранжману Иринея Тимка, „Загучали гори” у аранжману Борута Павлича и „Я до лєса желєного” у аранжману Винка Жґанца.
Од красного числа публики достали вельо щири аплаузи, а на бис шпивали композицию „Ружо моя црвена”.