ШИД – Державни секретар у Министерстве спорту Предраґ Перуничич вчера, 23. марца, нащивел општину Шид и спортским роботнїком представел Закон о спорту и новини хтори вон приноши.
Перуничич гварел же по нових предписаньох спортски союз приноши програму дїлованя и менує комисию хтора будзе препоручовац хтори би програми и проєкти з обласци спорту локална самоуправа мала финансовац,
Єдна з новосцох то и можлївосц же би локални самоуправи меновали спортского инспектора.
Перуничич бешедовал и о потреби даваня значнєйшей уваги физичней култури и воспитаню у образовней системи, и вообще спорту медзи дзецми и младима.
Державни секретар нащиву закончел у Ґимназиї „Сава Шуманоич“, дзе го привитала директорка Любинка Радишич, професоре и школяре Ґимназиї.
