ЖАБЕЛЬ – Прешлого тижня до Здравственого Дому Жабель сцигли 150 фалати пейцвалентни вакцини „Пентаксим“, и прешлїдзени су до шицких трох здравствених амбулантох у местох општини, гварел за Рутенпрес директор Дому Здравя Душан Блаґоєвич.
До Дюрдьова послати 30, до Ґосподїнцох 20, Чуроґу 50, а у Жаблю остали 50, спрам числа народзених бебох после 1. новембра котри маю прияц тоту свою першу вакцину.
Як гварел Блаґоєвич, и у жабельскей општини єст родичох котри нє жадаю вакциновац свойо беби, та Дом здравя обовязну приявиц их Покраїнскей санитарней инспекциї, хтора пребера дальши крочаї.