ДЮРДЬОВ – У Дюрдьове, у ОШ „Йован Йованович Змай”, нєшка на 16 годзин будзе Литературне стретнуце, на хторим буду означени вецей рочнїци наших творительох и дїячох по походзеню з того места – 100-рочнїца народзеня учителя и писателя Янка Олеяра (1914-1998), 80 роки народзеня виховательки Наталиї Голуб (1934-1994) и 70 роки народзеня поетеси Амалиї Балоґ Ґерлах (1944-1992).
На програми буду додзелєни припознаня з меном Якима Олеяра и Амалиї Хромиш, та промоция виданьох Дружтва за руски язик, литературу и културу, хторе орґанизазатор того стретнуца у рамикох тогорочних „Дньох Миколи М. Кочиша”.