КОЦУР – На Републичним змаганю зоз сербского язика як нємацеринского у Новим Садзе у ОШ „Соня Маринкович”, попри школярох зоз Руского Керестура, змагали ше и штири школярки зоз коцурскей ОШ „Братство єдинство”.
Шицки штири зазначели красни резултати. У катеґориї осмих класох школярка Катарина Кулич завжала перше место, а Наташа Тамаш друге место. За змаганє их пририхтала наставнїца Бояна Петрович.
У катеґориї седмих класох Катарина Ґайдош завжала друге место, а Катарина Недич треце место. Их порихтала наставнїца Бояна Митошевич.