РУСКИ КЕРЕСТУР – Млади спортисти Столнотениского клубу (СТК) Русин з Руского Керестура прешлей соботи участвовали на екипним турнире за младших кадетох у Бечею, дзе освоєли треце место и бронзови погар.
На тим змаганю за СТК Русин бавели Велько Шомодї, Никола Бульчик, Матей Сабадош и Александар Шанта.
У роботи з младима участвує и уж доказана керестурска млада столнотенисерка София Ковач, котра з тренером Драґаном Ковачевичом пририхтала кадетску екипу за спомнуте змаганє.